المزايا الرئيسية
الــ N3-PRO هي الصفقة المثالية للكامرتين.
01
كامرة امامية أو داخلية وخلفية بنفس الوقت.
التركيبة الحلوة لهالداشكام بكامراتها الثنائية راح تنطيك توافق خرافي وتكدر تخليهن بأي مكان يعجبك سواء تخلي الكاميرا الامامية تصور الك مقدمة السيارة والكاميرا الخلفية تخليها تصور مقصورة القيادة او العكس, الطوبة بملعبك وتحكم بيهن بالطريقة اللي تعجبك.
02
تشتغل حتى لو السيارة طافية؟
نعم, الكاميرا تدعم هذا الشي من خلال شراءك للكت الخاص بيها من عدنا بحيث الكاميرا راح تستعمل بطارية سيارتك لتشغيل نفسها طول الوقت, طبعا لا تخاف على البطارية لان هي بيها نظام امان يفصل الكاميرا عن فيوزات سيارتك في حال انخفضت فولطيتها.
03
دقة العدسة المثالية
الكاميرا الامامية للــ N3-PRO تجي بدقة جداا محترمة وما راح تلاحظ بيها فرق هواي عن الــ 4K واللي هي 1600P, راح تلاحظ جودة التصوير تنعكس عليك حتى وان عرضتها للشمس المباشرة او الاجواء المضلمة, راح تحاول ترتب الك الفيديوهات بنظامها الداخلي وتنطيك افضل نتيجة.
04
الذكاء الاصطناعي بنسخته الثانية 2.0
على عكس شقيقتها الـ N3 العادية اللي تحتوي على الذكاء الاصطناعي النسخة الاولى, فهي تجي مُحدثة الى الاصدار الاخير 2.0 واللي راح يساعدها بأكتشاف مسارك بالشارع وبعد السيارات عنك وسرعتهم وامور هواي ثانية بصورة افضل وبدقة اكثر.
